Unsaid Feelings Poetry Entry no. 2: “Sa Kabilang Bahagi ng Pagkatao”

Pilya, may pagkamadaldal at hindi mahiyain

Makulit, palabiro, walang arte at masayahin

Kahit sino pa ang iharap mo sa kanya

Ganun pa din sya, walang problema

Dumaan ang maraming taon

Sinubok sya ng panahon

Di inaasahang pangyayari’y nalagpasan nya

Problema’y mareresolba kahit mag-isa

Pero teka lang, bakit parang may nagbago

Yung pilya, may pagkamadaldal at hindi mahiyain dati’y nagbago

Yung makulit, palabiro, walaang arte at masayahin dati’y naglaho

Yung kahit sino pa ang iharap mo sa kanya dati ngayo’y kabado

Bakit nga ba sya nagbago?

Bakit nga ba sya nagkaganito?

Alamin mo muna ang totoo

Bago mo sya sabiha ng kung ano-ano

Lumaking computer at sarili lang madalas ang kasama

Lumaking sarili lang ang nagpapahalaga

Lumaking sya lang ang nagsasaya

Sa mga pangyayaring dapat ipagsaya

Hindi sya kasing ganda ng iba

Hindi sya kasing talino ng iba

Hindi sya kasing galling ng iba

Walang magagawa, hanggang dun lang talaga sya

Hindi sya kapansin-pansin

Simple lang sya at sa iba’y mahiyain

Sa dinami-dami ng tao ng pagdidiskitahan

Bakit sya pa ang inyong naisipan?

Hindi ba kayo napapagod sa pang-aapi sa kanya?

Hindi ba kayo nagsasawa sa pagpapahiya?

Paulit-ulit na lang ba ang mga ginagawa nyo sa kanya?

Wala na ba kayong ibang Makita maliban sa kanya?

Kasi yung inaapi at pinapahiya nyo

Sawang-sawa na sa ginagawa nyo

Napapagod at nasasaktan na sya

Lumalaban mnsan pero talo nyo sya

Tao rin sya, napapagod, nakakaramdam at nasasaktan

Hinayaan na lang kayo kahit sya’y nahihirapan

Marami kayo, wala syang laban

Kaya umiiyak na lang sya, imbes na lumaban

May pagkakataong gusto nya nang sumuko

May pagkakataong galit sya sa mundo

May pagkakataong napapa-isip sya, kung bakit ganito?

Anong kasalanan nya para maranasan lahat ng ito?

Hindi sya matapang, nagtatapang-tapangan lang

Hindi sya masaya, nagpapanggap lang

Mahina ang loob nya, yun ang totoo

Ngumingiti lang sya pero nalulungkot na sya ng todo

Hindi nya alam kung kalian at paano

Naging matapang sa lahat ng ito

Natutong bumangon sa pagkabigo

Natutong ngumiti kahit problemado

Sa kabila ng lahat ng hindi magandang pangyayari

Nabago sya ng sumubok sa kanyang pangyayari

Hindi pa man nya mapapatawad sila ngayon

Balang araw mapapatawad nya din, lahat ng umapi sa kanya noon

Nabago sya ng hindi nya kasalanan

Nabago sya dahil sa pangyayaring hindi inaasahan

Maibabalik pa kaya ang dati nyang katangian

Maibabalik pa kaya ang dati nyang nakagawian

*July 08, 2017*